24 От ыйа 24.07
  • 28°
  • $ 87,3
  • 95,46

Саас Булуҥ оройуонугар атыы-логистическай киин тутуллуоҕа

Пресс-служба главы и правительства РС(Я)
Читайте нас на
Яндекс Новости
ЯДВ

2023 ыам ыйыгар Тиксиигэ атыы-логистическай киин тутуута саҕаланыаҕа. Кыһыҥҥы суолунан тутуу матырыйаалын тириэрдиэхтэрэ. Ол туһунан бырабыыталыстыба отчуотун кэмигэр бэрэссэдээтэл Андрей Тарасенко эттэ. Эрдэ хотугу мура суолунан бөһүөлэккэ киин тутуутугар 500 туонна тутуу матырыйаала тириэрдиллибит.

«Арктикаҕа атыы-логистическай кииннэр арыллыбыттарынан социальнай суолталаах табаар тиийиитин иэнэ эбилиннэ, сыаната тутуллар. Маннык соругу Ил Дархан Айсен Николаев туруорар. Үлэ салҕаныаҕа, «Якутоптторг» киин тэриллиитигэр наадалаах өйөбүлү уонна бородууксуйаны атыылаһыыга ылар», — диэтэ Андрей Тарасенко.

Билигин Тиксии олохтоохторо биир киилэ хортуоппуйу 200-300 солк ылар буоллахтарына, атыы-логистическай киин арылыннаҕына сыана 86 солк дылы түһүөн сөп.

«Ыам ыйын 1 күнүттэн тутууну саҕалыырга былаанныыбыт, күһүн бүтэрэр курдук. Саҥа үүнүүттэн хортуоппуй оччоҕуна тириэрдиллэр кыахтанар. Бырабыыталыстыба өйөбүлүнэн, биһиги атын регионнары кытта дуогабардаһабыт оҕуруот аһын уонна фрукта ылыытыгар, сөптөөх сыананан», – диэтэ «Якутоптторг» генеральнай дириэктэрэ Николай Алексеев.

Санаттахха, атыы-логистическай кииннэр Арктика кытылын улуустарыгар барыларыгар Ил Дархан Айсен Николаев сорудаҕынан тэриллэллэр. Быйыл Булуҥҥа, Дьааҥыга, Эдьигээҥҥэ, Орто Халымаҕа үлэлэрэ саҕаланыаҕа. Эрдэ Абыйга, Анаабырга, Аллараа Халымаҕа уонна Усуйаанаҕа арыллан үлэлииллэр.

Следите за самым важным и интересным в Telegram-канале и WhatsApp-группе ЯСИА