Дьааҥыга билигин барыта 13 ойуур баһаара баар, онтон үһэ нэһилиэнньэлээх пуунтан 10 км иһинэн тэйиччи: Сайдыыттан 4 км, Чолбонтон 5 км уонна Таалаттан 7 км. Биир уот Эбээн Бытантай улууһугар, Баатаҕай Алыытыттан 15 км. Баһаары утары оһуобай эрэһиим олохтонно, бу өртөөһүн ыстыраабын кээмэйин улаатыннарар.
Дьааҥыга баһаар балаһыанньата суһал штаб бастакы мунньаҕын сүрүн тиэмэтэ буолла. Бырабыыталыстыба бэрэссэдээтэлин бастакы солбуйааччыта Дмитрий Садовников муниципальнай таһымнаах ЧС биллэрэргэ боппуруоһу көтөхтө, онно бары критерийдэр сөп түбэһэллэрэ этилиннэ.
«Биричиинэтэ — өртөөһүн. Уот тыа хаһаайыстыбатын сириттэн ойуурга ыстанна. Сокуоннайа суох өртөөһүн Дьааҥы улууһугар хас иккис нэһилиэнньэлээх пуун кыраныыссатыгар ыытылынна. Кэтээн көрөр уоргаттар миэстэтигэр үлэлииллэр», — диэтэ Дмитрий Садовников.
