24 Олунньу 24.02
  • -38°
  • $ 92,75
  • 100,44

РФ президенигэр быыбарга регистрация түмүктэннэ

09:32, 12 февраля
Текст:
Хаартыска: ЯСИА саайта
Читайте нас на
Яндекс Новости
ЯДВ

РФ киин быыбардыыр хамыыһыйата президент быыбарыгар кандидаттары регистрациялааһынын түмүктээтэ. Дойду сүрүн дуоһунаһыгар түөрт кандидат киирсэр — «Новые люди» баартыйаттан Владислав Даванков, билигин үлэлии олорор судаарыстыба баһылыга, бэйэтэ туруорунааччы Владимир Путин, ЛДПР лидера Леонид Слуцкай уонна КПРФ-тан Николай Харитонов, суруйар ТАСС.

Кандидатураны туруорунуу түһүмэҕэ баартыйалартан ахсынньы 8 — тохсунньу 1 күннэригэр, бэйэлэрэ туруорунааччыларга ахсынньы 27 күнүгэр түмүктэммитэ.

Ахсынньы 28 күнүгэр РФ КБХ баһылыга Элла Памфилова иһитиннэрбитинэн, кандидакка претенденнэр ахсааннара 33 (9 баартыйаттан уонна 24 бэйэ туруорунуута) буолбута. Кинилэртэн киин хамыыһыйаҕа докумуонун 15 киһи тиксэрбитэ.

Тохсунньу 1 күнүгэр 11 киһи хаалбыта: үс бэйэ туруорунааччы — билигин үлэлии олорор судаарыстыба баһылыга Владимир Путин, блогердар Рада Русских уонна Анатолий Баташев, аҕыс киһи баартыйалартан — Леонид Слуцкий (ЛДПР), Николай Харитонов (КПРФ), Владислав Даванков («Новые Люди»), Сергей Бабурин («Российский общенародный союз»), Андрей Богданов (Российская партия свободы и справедливости), Борис Надеждин («Гражданская инициатива»), Сергей Малинкович («Коммунисты России»), Ирина Свиридова (Демократическая партия России).

Сиһилии кандидаттар тустарынан манна аах: https://ysia.ru/zavershilas-registratsiya-kandidatov-na-vyborah-prezidenta-rf/

Следите за самым важным и интересным в Telegram-канале и WhatsApp-группе ЯСИА