РФ бырабыыталыстыбата коронавирус дьаҥыттан эмсэҕэлээбит эйгэ испииһэгин саҥардан биэрдэ.
Премьер-миниистир э.т. Андрей Белоусов таһаарбыт 2020 сыл ыам ыйын 12 күнүнээҕи 657 №-дээх уурааҕар олоҕуран, испииһэккэ автомат нөҥүө атыылааһыны уонна норуот художественнай айымньытын оҥорон таһаарыыта эбии киллэрилиннэ.
Муус устар саҕаланыыта бырабыыталыстыба пандемияттан охсууну ылбыт олох-дьаһах эйгэтин испииһэгин бигэргэппитэ. Бастатан туран, автомобильнай уонна тиэйэр-таһар; култуура, сынньалаҥ уонна аралдьытар; конференциялары уонна быыстапкалары тэрийии; фитнес уонна спорт; турбизнес уонна гостиница; общепит; эбии үөрэхтээһин; кэрэ буолуу салоннара, өрөмүөн уонна атын бытовой өҥөлөр киллэриллибиттэрэ. Судаарыстыбаннай өйөбүл бастакынан оҥоһуллар эйгэлэрин испииһэктэрэ кэлин кэҥэтиллэр бэриллибитэ.
