20 Атырдьах ыйа 20.08
  • 13°
  • $ 59,13
  • 59,39

Регионнарга итирдэр утаҕы кафеларга уонна бардарга атыылааһыны хааччахтыылларыгар сүбэлээтилэр

14:01, 18 ноября 2020
Текст:

Госдумаҕа сокуон барыла киирдэ. Общепиттарга итирдэр утахтары атыылааһыҥҥа регион былаастара хааччахтааһыннары киллэрэллэригэр көҥүлү биэрэр туһунан, суруйар «Парламентская газета».


Эрдэ уопсастыбаннай аһылыкка өҥөнү оҥорууга арыгыны атыылааһыҥҥа регион былаастара хааччахтааһыны киллэрэллэригэр быраап бэриллэрэ. Ити эрээри 2020 сыл сааһыгар «наливайка» туһунан сокуон ылыллыбыта, онно олоҕуран 20 кв м иэннээх саалалаах, дьон олорор дьиэтигэр баар бардарга итирдэр утахтары атыылааһын бобуллубута. Сокуон регионнарга маннык бардарга сыһыаннаах — саала иэнин улаатыннарыыга эбэтэр итирдэр утаҕы атыылааһыны бобууну — эрэ хаалларбыта.

Онон испиирдээх утаҕы атыылааччылар элбэх кыбартыыралаах дьиэлэргэ үлэлэрин салгыыллара сөптөөх, «наливайка» ирдэбиллэрин эрэ тутуһаллара наадалааҕа, суруллар быһаарыы сурукка.

Ааптардар регионнарга общепит дьиэлэригэр арыгыны атыылааһыҥҥа бириэмэнэн, усулуобуйанан, миэстэнэн  хааччахтааһыны киллэрэр бырааптарын төннөрөргө этэллэр.

Сокуон барылын «Сиэрдээх Россия» баартыйа депутаттара киллэрэллэр, салайааччылара Сергей Миронов.

Следите за самым важным и интересным в Telegram-канале и WhatsApp-группе ЯСИА
0
0