РФ правительствота үс сыллааҕы бюджеты ылыныытын кэннэ үбүлээһин хаамыыта тэтимирэригэр, ол иһигэр нацпроектарга, маны сөптөөхтүк быһаарары эттэ Владимир Путин Дмитрий Медведевтыын көрсүһүүтүгэр.
«Өссө биир көрдөһүүлээхпин уонна баҕа санаалаахпын, бу үс сыллааҕы үп сүрүн докумуона, дойду үбүн сүрүн сокуона ылыллыбытын кэнниттэн, биһиги аҥардас үбүлээһини эрэ тэрийиигэ буолбакка, тэтимнээх быһаарыылары ыларга бюрократия суох буолуутугар болҕомтобутун хатыахтаахпыт«, — диэтэ Владимир Путин.
«Оннооҕор бу сылга, хомойуох иһин, биһиги былааннаабыппыт курдук соруктарбытын үбүлээһин тэтимнээхтик уонна биир өлүүскэнэн кыбаартал аайы баран испэт«, — диэн кини салгыы эттэ уонна бу манна араас объективнай өрүттэр баалларын ыйда.
«Ол гынан баран мин итэҕэйэбин, өскөтүн биһиги өр кэмҥэ толкуйдаан ылыммыт национальнай проектары толоруохпутун баҕарар буоллахпытына, сайдыыга сыалларбытын үбүлээһини тэтимирдэрбит уонна кэмиттэн-кэмигэр толорорбут ирдэнэр», — диэн түмүктээтэ президент.
Правительство председателэ президент этиитин курдук барыта оҥоһулларыгар эрэннэрдэ. «Үбү тириэрдиигэ бюрократия суох буолуутугар үлэлиибит», — диэтэ Медведев.
Источник: РИА Новости
