Саха сирин үөрэҕириитин үлэһиттэрин үгэс буолбут атырдьах ыйынааҕы сүбэ мунньаҕа быйыл уратытык — сэргэх сарсыардааҥҥы эрчиллииттэн саҕаланна. Сүүһүнэн кыттааччыны Арассыыйа успуордун үтүөлээх маастара Василий Егоров эрчийдэ.
Саха сирин үөрэҕин уонна наукатын миниистирэ Нюргуна Соколова тэрийээччилэр көҕүлээһиннэрин үрдүктүк сыаналаата уонна ылбыт сэниэлэрэ, сэргэхсийбиттэрэ бу күнү муҥутуур туһалаахтык атааралларыгар көмөлөһүө диэн тоһоҕолоон бэлиэтээтэ.
Василий Егоров маннык үөрүйэҕи үөрэх тэрилтэлэригэр киллэрэллэригэр ыҥырда — күн аайы сүргэни көтөҕөргө уонна чөл туруктаах эдэр көлүөнэни иитэргэ.
Ол туһунан «Юные якутяне» киин МАХ-ханаала суруйда.
