Нам улууһун Партизан нэһилиэгин олохтоохторо Арассыыйа судаарыстыбаннай Дууматын депутаттарын быыбарын сэргэ баһылыктарын талаллар. Түөрт кандидат баар.
332 нүөмэрдээх Партизаннааҕы быыбардыыр учаастак «Хомус» культура дьиэтигэр үлэлиир. Сэттэ киһилээх хамыыһыйаны Анна Нератова салайар. Испииһэккэ – 617 киһи, ол иһигэр 11 аан бастаан быыбардааччы киирбит.
Дьиэнэн сылдьан куоластатыыны икки кэтээн көрөөччү кыраҕатык кэтииллэр. Мииринэйтэн кэлэ сылдьар Кривошапкиннар, эрдэ сайаапка биэрэннэр, быыбарга Партизаҥҥа кытыннылар.
Бүгүн, үһүс быһаарыылаах күн, нэһилиэк кэскилин түстүүр быыбарга көхтөөх кыттыы бэлиэтэнэр. Киэһэ 5 чаас туругунан, муниципальнай быыбардарга – 481, федеральнайга 471 киһи куоластаата, о.и. 14 – дьиэҕэ. Быыбар пандемиянан сибээстээн, бары хааччахтыыр миэрэлэри тутуһан ыытыллар, суруйда Анастасия Корякина @anastasya_korakina
