Үп миниистирэ Валерий Жондоров пресс-кэмпириэнсийэ кэмигэр пандемия саҕаланыаҕыттан сыстыганнаах дьаҥы утары охсуһууга уопсайа 10 498,8 мөл. солк. көрүллүбүтүн туһунан иһитиннэрдэ, суруйар edersaas.ru
Сыстыганнаах дьаҥы утары охсуһууга федеральнай бүддьүөттэн 7 392,6 мөл. солк, СӨ бырабыыталыстыбатын саппаас пуондатыттан 3 106,3 мөл. солк тыырыллыбыт. Үгүс үп-харчы мэдиссиинискэй уонна социальнай үлэһиттэр төлөбүрдэригэр аттарыллыбыт. Уопсайа 6 155,8 мөл. солк төлөбүр оҥоһуллубут. Мантан 4 664,2 мөл. солк федеральнай бүддьүөттэн, 1 491,6 мөл. солк СӨ бырабыыталыстыбатын саппаас пуондатыттан.
Коронавирус дьаҥын утары охсуһууга, чуолаан эминэн-томунан хааччыйыыга 353,3 мөл. солк көрүллүбүтүттэн, федеральнай бүддьүөттэн 36,6 мөл. солк., СӨ Бырабыыталыстыбатын саппаас пуондатыттан 316,7 мөл. солк. тыырыллыбыт. Маны таһынан федеральнай бүддьүөттэн ИВЛ аппарааттарын атыылаһыыга, балыыһаларга куойка пуондатын элбэтиигэ, харыстанар тэриллэри атыылаһыыга уонна да атын салааларга итиэннэ СӨ бырабыыталыстыбатын саппаас пуондатыттан коронавируһу утары охсуһууга үлэлиир мэдиссиинискэй үлэһиттэр Дьокуускай куорат гостиницаларыгар олороллоругар, эми-тому, харыстанар тэриллэри, ИВЛ аппарааттарын атыылаһыыга уонна да атын сыалга анаан үп-харчы аттарыллыбыт.
