25 Ыам ыйа 25.05
  • -7°
  • $ 104,68
  • 115,6

От ыйын 8 күнэ. Дьиэ кэргэн, таптал уонна бэриниилээх буолуу - Бикипиэдьийэ

09:07, 08 июля 2020
Текст:

От ыйын 8 күнүгэр Арассыыйаҕа дьиэ кэргэн, таптал уонна бэриниилээх буолуу күнэ. 2008 сылтан бэлиэтэнэр. Муром куоратын (Владимирскай уобалас) олохтоохторо көҕүлээбиттэрэ. Дьиэ кэргэн бырааһынньыга «Таптал уонна бэриниилээх буолуу» диэн мэтээллээх уонна ромашка сибэкки бэлиэлээх.


Түбэлтэлэр:

🔹1709 — Полтааватааҕы кыргыһыы. Бу сүүрбэччэ сыл Швеция атын дойдулары кытта сэриилэспит (Арассыыйа историографиятыгар Хотугу сэрии диэн ааттанар) сэриитин саамай улахан кыргыһыыта этэ. Сэрии өссө да 12 сыл тухары салҕаннар, манна хотторон Швеция дьиҥнээхтик кыайан өрүттүбэтэҕэ. Бүөтүр I саамай киэн туттар кыргыһыыта этэ.

🔹1819 — Санкт-Петербурга Исаакий собуорун тутуута саҕаламмыт.

🔹1853 — Токио хомотугар командор Мэтью Перри салайыылаах АХШ флота кэлбит уонна Дьоппуону атыы-эргиэн саҕалыырга күһэйбит. Икки үйэлээх Дьоппуон изоляцията түмүктэммит.

🔹1932 — Дьокуускайга Бастакы бүтүн Саха сиринээҕи спартакиада аһыллыбыт. Саха АССР тэриллибитэ 10 сылыгар анаммыт.

Төрөөбүттэр:

🔸1900 — (эргэ истиилинэн 25.06) Сергей Зверев — Кыыл Уола (1973 өлб.) — олоҥхоһут, тойуксут, РСФСР уонна Саха АССР култууратын үтүөлээх диэйэтэлэ.

🔸1917 — Наталья Кинд (1992 өлб.) — «Мир» алмаастаах туруубкатын арыйбыт дьахтар, геология-минералогия билимин хандьыдаата, геолог.

🔸1925 — Февронья Баишева — «Саха» НКИХ хуорун дирижера, РСФСР уонна Саха АССР үтүөлээх артыыската.

Өлбүттэр:

🔹1967 — Николай Шемяков (19.05.1913 төр.) — аҕыйах ахсааннаах эбэҥки норуотун чулуу уола, булчут-стахановец, 🔹1939—1953 сс. Эдьигээн райисполкомун бэрэссэдээтэлэ.

🔹2011 — Наталья Посельская (12.04.1946 төр.) — балерина, балет педагога, хореограф, педагогика билимин хандьыдаата.

https://sah.wikipedia.org/wiki/От_ыйын_8

https://sah.wikipedia.org/wiki/Баишева_Февронья_Алексеевна

https://sah.wikipedia.org/wiki/Бастакы_бүтүн_Саха_сиринээҕи_спартакиада

https://sah.wikipedia.org/wiki/Шемяков_Николай_Васильевич

https://sah.wikipedia.org/wiki/Зверев_Сергей_Афанасьевич

https://sah.wikipedia.org/wiki/Швеция

Следите за самым важным и интересным в Telegram-канале и WhatsApp-группе ЯСИА
0
0
Комментарии
  • Дьиктитэ диэн Сунтаарга Кыыл Уолун төрөөбүт күнүн иккитэ ылаллар эбит. Бу күн уонна урукку Юлиан халандаарын күнүнэн (ол аата дьиҥнээх төрөөбүт күнүттэн 14 хонук иннинэ, докумуоҥҥа суруллубутунан бэс ыйын 25 күнүгэр). Тоҕо диэтэххэ бу эргин Сунтаарга ыһыахтара буолар, онно таарыйа Кыыл Уолун ахтан ааһаллар.

  • Дмитрий Федоров:

    Николай Шемяковы көһүүгэ сылдьыбыт Чурапчылар үтүө тылынан ахтыбыттара үгүс. Элбэх үтүөнү оҥорбут киһи аата үйэлэргэ сүппэтин!!!

  • Ньукулай:

    Ол туһунан Бикипиэдьийэҕэ сырдатыахха баар эбит!

Комментарии закрыты.