13 От ыйа 13.07
  • 24°
  • $ 87,74
  • 95,76

Оскуола оҕолоро "Восточнай" космодромтан ракета көтүүтүн көрүөхтэрэ

17:05, 23 апреля 2021
Текст:
Читайте нас на
Яндекс Новости
ЯДВ

«Космоска айан» олимпиада кыайыылаахтара «Восточнай» космодромҥа айаннаатылар. Амма, Үөһээ Бүлүү, Бүлүү, Горнай, Мэҥэ-Хаҥалас, Хаҥалас, Уус-Алдан, Нерюнгри улуустарыттан барыта 20 үөрэнээччи «Союз» ракета көтүүтүн көрүө.


Кинилэр Аллараа Бэстээхтэн Амур уобалаһыгар буойаһынан айаннаатылар. Циолковскайга оҕолор муус устар 24 күнүгэр тиийиэхтэрэ. Манна кинилэр аэрокосмическай үөрэхтээһини ааһыахтара, «Восточнай» космодром тутууларын көрүөхтэрэ. Ракета көтүүтэ муус устар 26 күнүгэр былааннанар.

«Космоска айан» бырайыак Ил Дархан Айсен Николаев көҕүлээһининэн 2019 сыллаахтан ыытыллар.

Быйылгы олимпиадаҕа 10 улуустан 294 8-10 кылаас үөрэнээччилэрэ кыттыыны ылбыттар. Оҕолор математикаҕа, физикаҕа олимпиадалары ааспыттар, иккис түһүмэххэ – английскай тылга, космонавтика историятыгар тесты.

Ил Дархан бырайыак кэскиллээҕин этэр. Кини кулун тутар ыйга Байконуртан көппүт «Союз-2.1а» ракета биир спутнига саха оҕолоро кыттыгастаах таҥыллыбытын санатта. В.П. Ларионов аатынан Физико-техническай лицей үөрэнээччилэрэ Анатолий Антонов, Андрей Петров, Дьокуускай куоратын лицейын выпускнига Олег Петров оскуолаҕа үөрэнэ сылдьан спутник оҥоһуутугар кыттыспыттарын, онно наукалар Аччыгый академиялара, үөрэх тэрилтэлэрэ улахан кылааттаахтарын этэр.

Следите за самым важным и интересным в Telegram-канале и WhatsApp-группе ЯСИА