14 Атырдьах ыйа 14.08
  • 16°
  • $ 60,9
  • 62,54

Саха сиригэр БКЭ-ни 11 оҕо 100 баалга туттарда

Саха сиригэр БКЭ бастакы түмүктэрэ билиннилэр. Эксээмэн тестэрин сыыһата суох 11 выпускник суруйдулар. Өрөспүүбүлүкэ баһылыга Айсен Николаев бэйэтин телеграм- ханаалыгар иһитиннэрбитинэн, бу оҕолор бастакынан 100-түү тыһыынча солкуобайы ылыахтара.

Литератураҕа БКЭ-ни саамай үрдүк баалга аҕыс оҕо суруйда: Дьокуускай куорат 26 №- дээх, 7№- дээх уонна куораттааҕы классическай гимназияттан, Томмот 7 №- дээх оскуолатыттан, Ленскэй оройуонун 4 №- дээх оскуолатыттан, А. А. Константинова аатынан  Элдьикээн орто оскуолатыттан, Өктөмнөөҕү научнай үөрэхтээһин оскуолатыттан уонна Мииринэй 26 №- дээх оскуолатыттан.

Химия курдук уустук предмеккэ өссө үс оҕо 100-түү баалы ылла: Нерюнгритааҕы  3 №- дээх гимназия , Дьокуускай куораттааҕы лицей уонна Н.А. Алексеева аатынан техническэй лицей үөрэнээччилэрэ.

«Оҕолорбут — улахан маладьыастар! Бу күннээҕи үлэлэрин уонна сыраларын түмүгэ буолар, биллэн турар, учууталлар уонна төрөппүттэр улахан өҥөлөрө! Бу оҕолор бастакынан 100-түү тыһыынча солкуобай төлөбүрү ылыахтара. Бу наҕараада саҥа олоххо үктэнэллэригэр көмө буолуоҕа!» — диэн бастакы 100 баллаах оҕолору Айсен Николаев эҕэрдэлээтэ.

Санатан эттэххэ, САССР 100 сылыгар БКЭ-лэрин 100 баалга суруйбут выпускниктарга 100 тыһыынча солкуобайдаах  биир кэмнээх төлөбүр олохтоммута. Бириэмийэ хас биирдии предмеккэ муҥутуур баалы ылбыт оҕолорго ананар.

Следите за самым важным и интересным в Telegram-канале и WhatsApp-группе ЯСИА
0
0