Орто Халыма улууһугар 31 элбэх кыбартыыралаах дьиэ 2025 сылга диэри хаарбах дьиэттэн көһөрүү бырагырааматынан көтүрүллэрэ былааннанар. Барыта 15,8 тыһ кв миэтэрэ иэннээх дьиэ көһүөхтээх.
Бырабыыталыстыба бэрэссэдээтэлин бастакы солбуйааччы Кирилл Бычков Орто Халымаҕа сырыытын кэмигэр ити боппуруоска, социальнай эбийиэктэр тутууларыгар болҕомтотун уурда.
Кини Арҕахтаах 80 миэстэлээх орто оскуолатын тутууга, Березовка административнай киинин тутууга, «Колымское подворье» комплексы тупсарыыга эбии харчы көрүллэрин туһунан кэпсэттэ.
