27 Ыам ыйа 27.05
  • 24°
  • $ 89,7
  • 97,1

Нам улууһугар сааскы ыһыы саҕаланна

Хаартыска: Саха сирэ саайт
Читайте нас на
Яндекс Новости
ЯДВ

Бу күннэргэ тыа хаһаайыстыбатынан дьарыктанар бары көрүҥнээх хаһаайыстыбаларга сааскы ыһыы үлэтигэр бэлэмнэнэллэр диэн Нам улуһуун дьаһалтатын пресс-сулууспата иһитиннэрэр, суруйда Сайаана Львова, Саха сирэ саайт.

Нам улууһун тыатын хаһаайыстыбатын управлениетын кылаабынай агронома Сардана Новгородова иһитиннэрбитинэн, быйыл улуус үрдүнэн 89,4 га сиргэ оҕуруот аһын, 434 га сиргэ хортуоппуй уонна 1 609 га сиргэ эбии аһылык култууратын олордорго былаанныыллар. Бу көрдөрүү былырыыҥҥы сыыппараны кытта тэҥ.

“Бу күннэргэ бааһыналар куураннар, сиик саптарыытыгар киирэн эрэллэр. Хаппыыста олордор хаһаайыстыбалар арассаада олордон бүппүттэрэ. Ону таһынан тэпилииссэ бүрүйэ, бааһыналарын күрүөтүн-хаһаатын тута, өрөмүөннүү, сиэмэ хортуоппуйу наардыы, тиэхиньикэлэри өрөмүөннүү сылдьаллар
Хортуоппуй уонна оҕуруот аһын үүннэриинэн дьарыктанар бааһынай хаһаайыстыбаларга хамыыһыйа көрөн куонкурус түмүгүнэн 19 хаһаайыстыбаҕа 13 090, тыһ. солкуобай  счеттарыгар түспүтэ. Бу күннэргэ кормопроизводствонан дьарыктанар хаһаайыстыбаларга субсидияны (көмө харчыны) биэриини хамыыһыйа көрүөҕэ. Ыһыы үлэтэ халаан уутуттан эмсэҕэлиэн сөптөөх нэһилиэктэргэ уу кэлэн аастаҕына саҕаланыаҕа. Онтон атыттар бу күннэргэ ыһыыны саҕалыырга бэлэмнэр» — диэн Сардана Новгородова кэпсээтэ.

Следите за самым важным и интересным в Telegram-канале и WhatsApp-группе ЯСИА