24 От ыйа 24.07
  • 17°
  • $ 87,3
  • 95,46

Намҥа Илья Винокуров скверигэр баһылыктар сибэкки уурдулар

20:14, 24 мая 2016
Текст:
Читайте нас на
Яндекс Новости
ЯДВ

Биллиилээх судаарыстыбаннай деятель Илья Егорович Винокуров төрөөбүтэ 120 сылын чэрчитинэн ыам ыйын 23 күнүгэр  Аппааныга кыраайы үөрэтэр музейга баар кини скверигэр тыыннаах сибэкки  уурдулар.


Нам улууһун баһылыга Александр Атласов, баһылыгы бастакы солбуйааччы Инна Сивцева, улуус дьаһалтатын отделларын, управлениеларын салайааччылара уонна нэһилиэктэр баһылыктара биир дойдулаахпыт сырдык аатын үйэтитэр сыалтан ыыппыт тэрээһин ыччакка холобур буолар.

Өлөөн улууһуттан анаан-минээн кытта кэлбит Иннокентий Гаврильев: «1934 сылтан саҕалаан Илья Егорович Винокуров уонна Москваттан сылдьар бэрэстэбиитэл И.М. Суслов Өлөөн улууһун төрүттээбиттэрэ. Ол иннинэ дьиэ-уот суоҕа, көс олохтоох омуктар араас сирдэринэн тарҕанан олорбуттара. Илья Егоровичтаах учаастактарынан, ыстаадаларынан кэрийтэлээн, төрүт олохтоохтору кытта көрсөн баран, сүбэнэн Кыһыл Чууму тэрийбиттэрэ. Билигин Өлөөн улууһа сайда-үүнэ турар. Олохтоохтор Иван Винокуровка махталлара улахан, кини аатын үйэтитэн уулусса, сквер баар. Нам улууһун кытта бу курдук ыкса сибээстээхпит. Куруук хардарыта алтыһабыт», — диэн санаатын эттэ.

Сүдү суолталаах дьаһалга «РИК» ААО генеральнай директорын солбуйааччы, СӨ ветераннарын Сэбиэтин чилиэнэ, СӨ бастакы президенин М.Е. Николаев көмөлөһөөччүтэ Иннокентий Аммосов, Өлөөн улууһун тыатын хаһаайыстыбатын ветерана Иннокентий Гаврильев уонна Виктор Петрович Ефимов кэргэнэ медицина наукатын кандидата Любовь Ефимовна кыттыыны ыллылар.

Следите за самым важным и интересным в Telegram-канале и WhatsApp-группе ЯСИА