Саха сиригэр Найба сэлиэнньэҕэ дириҥ ууга таһаҕас терминалын тутуу РФ Арктическай зонатын уонна Трансарктическай транспортнай көрүдүөрүн сайыннарыы кэлим бырайыагын тутаах инфраструктуралаах бырайыактарын ахсааныгар киллэрилиннэ. Инфраструктураны сайыннарыы боппуруостарын Арктикаҕа Россия национальнай интэриэһин көмүскүүр уонна национальнай уонна норуоттар икки ардыларынааҕы муора транспортнай маршруттарын сайыннарар сэбиэт мунньаҕар Россия президенин көмөлөһөөччүтэ Николай Патрушев уонна РФ бырабыыталыстыбатын вице-премьерэ – РФ президенин Уһук Илиҥҥэ боломуочуйалаах бэрэстэбиитэлэ Юрий Трутнев салалтатынан порт куораттарын бастакы норуоттар икки ардыларынааҕы пуорумун хонуутугар ыытылынна.
Николай Патрушев Россия президенин сорудаҕынан «Арктическай зонаны уонна Трансарктическай транспортнай коридору Сайыннарыы» кэлим бырайыагы оҥоруу ыытылларын бэлиэтээтэ. Арктика территорияларын, муора уонна өрүс маршруттарын бэйэ-бэйэлэрин кытта ситимнээхтик сайыннарыыга тиһиктээх сыһыан үөскүүр, ону тэҥэ сибээс, энергетикэ уонна транспорт инфраструктуратын тэрийии үлэлэрин хотугу эргимтэ бырамыысыланнаһын баһылааһыны кытта тэҥнии тутуу буолар.
Сиһилии манна аах.
