24 От ыйа 24.07
  • 28°
  • $ 87,3
  • 95,46

Москваҕа социальнай үлэһиттэр съезтэрэ

17:30, 13 мая 2016
Читайте нас на
Яндекс Новости
ЯДВ

Москваҕа «Россияҕа социальнай үлэ 25 сыла: бэҕэһээ, бүгүн, сарсын» социальнай үлэһиттэр Бүтүн Россиятааҕы V съезтэрэ буолан ааста.


Съезкэ 1200-тэн тахса делегат кэлбититтэн Саха сириттэн 11 делегат кытынна.

Съезд    бастакы «төгүрүк остуолугар» социальнай үлэҕэ инновация уонна сайдыы боппуруостарын дьүүллэстилэр. Манна инбэлииттэри биир кэлим реабилитациялааһын өрөспүүбүлүкэтээҕи социальнай-чэбдигирдэр киинин генеральнай дириэктэрэ Юрий Степанов уонна Дьокуускай к. кырдьаҕастар уонна инбэлииттэр өрөспүүбүлүкэтээҕи интернат-дьиэлэрин дириэктэрэ Анна Слепцова кытыннылар.

Иккис «төгүрүк остуолга» министиэристибэ салайааччылара уонна үлэһиттэрэ Рина Винокурова,   Наталья Пахомова, Ольга Корякина, Анастасия Аккуратова, Денис Малышев, Елена Сыромятникова, социальнай сулууспа бэтэрээннэрэ Надежда Егорова уонна Варвара Прокопьева дьүүллэһиигэ кытыннылар.

Үөрүүлээх мунньахха Надежда Егороваҕа үрдүк социальнай эппиэтинэс бэлиэтин туттардылар. Делегаттар Наталья Пахомова, Анна Слепцова, Юрий Степанов Великобритания Королеватын Лори Бристоуны кытта көрсүһүүгэ ыҥырыллар чиэскэ тигистилэр.

Съезд үлэтин түмүгүнэн ылыллыбыт резолюция РФ Бырабыыталыстыбатыгар, Судаарыстыбаннай Дууматыгар, үлэ уонна социальнай сайдыы министиэристибэтигэр ыытылынна. Резолюцияҕа «Россия Федерациятыгар гражданнары социальнай хааччыйыы төрүттэрин туһунан» федеральнай сокуоҥҥа уларытыылары уонна эбиилэри киллэрии боппуруостара ыйылыннылар.

Ону сэргэ Саха сирин делегацията Москваҕа Франция посольствотыгар социальнай үлэ араас хайысхатыгар анаммыт, омук исписэлиистэрэ кыттыылаах куурустарга сырытта. Манна сүрүн иһитиннэриилэри Великобритания, Израиль, Франция, Испания, Вьетнам, Кыргызстан исписэлиистэрэ оҥордулар.

Саха сирин делегацията Москваҕа Саха сирин бастайааннай бэрэстэбиитэлистибэтигэр Өрөспүүбүлүкэ күнүгэр анаммыт үөрүүлээх дьаһалга сырытта.

Следите за самым важным и интересным в Telegram-канале и WhatsApp-группе ЯСИА