Ил Дархан Мииринэй оройуонугар тутуллар аэропорт саҥа комплексын тула мунньахтаата. Кини тутууну 2024 сылга түмүктүүрү сорудахтаата.
Эбийиэк уопсай бэлэмэ – 60%. Үлэ былааннаммыт кыраапыгынан барар. Билигин 49 киһи уонна 11 техника үлэлиир.
«Мииринэйгэ аэропорт тутуута Саха сирин тырааныспарын ситимигэр улахан оруоллаах. Атын аэропортары кытта тэҥнээтэххэ, Мииринэйгэ тутуу туох да суохтан саҕаламмыта. Саҥа аэропорт уонна сөмөлүөт олорор-көтөр балаһатын оҥоруу. Судаарыстыба уонна чааһынай партнерство бырайыактара, сорох чааһын федеральнай бюджет уйунар, сороҕун «АЛРОСА»хампаанньа», – диэтэ Айсен Николаев.
Кини эппитинэн, билигин сүрүн бэдэрээччиги, сакаасчыты, Россия тырааныспарга министиэристибэтин кытта ыкса үлэ барар. Буоругар сибээстээх уонна бастакы оҥоһуллубут бырайыактыыр-сметалыыр докумуон толору сиппэтэҕинэн боппуруостар бааллар. Ол быһаарыллар.
