28 Кулун тутар 28.03
  • -12°
  • $ 92,59
  • 100,27

Мас-рестлинг өрөгөй ырыатын уонна логотибын оҥорбуттарга 1000-лыы дуоллары биэриэхтэрэ

17:01, 28 января 2022
Текст:
Читайте нас на
Яндекс Новости
ЯДВ

Мас-рестлинг норуоттар икки ардыларынааҕы федерация куонкурус биллэрдэ, кыайыылаахтар 1000-лыы дуоллары тутуохтара. Ааптардар мас-рестлинг аан дойдутааҕы күнүн логотибын уонна федерация өрөгөй ырыатын айан таһаарыахтаахтар, суруйар СИА.

Куонкуруска баҕалаахтар кытталлар. Профессионаллар, биирдиилээн ааптардар, айар бөлөхтөр, сойуустар, үөрэх тэрилтэлэрэ. Кыайыылаахтар $1000 харчынан уонна бочуотунай грамотанан наҕараадаланаллар.

Тэрийээччилэр иһитиннэрбиттэринэн, икки түһүмэхтэн турар. Бастаан тохсунньу 1 — кулун тутар 1 күннэригэр киирбит үлэлэри хамыыһыйалар көрөллөр. Онтон муус устар 1 — ыам ыйын 1 күннэригэр бастыҥ үлэлэр талыллаллар, түмүктүүр быһаарыы бигэргэнэр, кыайыылаахтар быһаарыллаллар.

Үлэлэри федерация почтатыгар туталлар: imwf@mail.ru.

Балаһыанньа саайтарыгар баар.

Следите за самым важным и интересным в Telegram-канале и WhatsApp-группе ЯСИА