Мэҥэ Хаҥалас улууһун мас-рестлердара Федерация кубогар эмиэ бастыҥ буоллулар. Финалга аммалары кыайдылар. Үһүс миэстэ — үөһээ бүлүүлэр, суруйда ЯСИА.
Мэҥэ Хаҥалас сүүмэрдэммит хамаандата финалга тахсарыгар бэйэтин бөлөҕөр Үөһээ Бүлүү, Таатта, Чурапчы оройуоннарын кэннигэр хаалларда.
Иккис бөлөххө аммалар соһуччу тахсан кэллилэр. Кинилэр Хаҥалас, Сунтаар, Уус Алдан улуустарын кыайдылар.
Финалга мэҥэ хаҥаластар аммалары ырааҕынан бырахтылар, оттон үһүс миэстэни былдьаһыыга үөһээ бүлүүлэр уус алданнары биир быһаарыылаах баалынан кыайдылар.
Хамаандаҕа тоҕус эр киһи, сэттэ дьахтар, сэттэ саҥа үүнэн эрэр спортсмен уонна түөрт бэтэрээн киирэр.
