20 От ыйа 20.07
  • 17°
  • $ 88,02
  • 96,04

Маай бырааһынньыктарыгар ойуурга тахсыы хааччахтанар

Читайте нас на
Яндекс Новости
ЯДВ

Ил Дархан муниципалитеттар баһылыктарыгар туһаайан эппитинэн, Маай бырааһынньыктарыгар нэһилиэнньэ ойуурга тахсыыта хааччахтаныахтаах. Онно сөптөөх миэрэлэр ылыллыахтаахтар. Бу туһунан муус устар 29 күнүгэр Айсен Николаев видеосибээһинэн мунньахха эттэ диэн СИА өрөспүүбүлүкэ сүрүн пресс-сулууспатыгар сигэнэн суруйар.


«Балаһыанньа күн аайы ыараан иһэр. Тастан киирбиттэри, ыалдьыбыттары уонна кинилэр алтыспыттарын булуу суһаллык ыытыллар. Ити эрээри бүтэһик 10 хонукка нэһилиэнньэлээх пууннар истэригэр дьаҥҥа ис сутуллуунан ыалдьыбыттар бэлиэтэннилэр. Ордук Дьокуускай куоракка», — диэтэ регион салайааччыта Айсен Николаев.

Кини эппитинэн, бүтэһик кэмҥэ күнүн аайы 10-чалыы ыарыһах эбиллэ турар. Үксүлэрэ ис сыстыы — дьиэ кэргэҥҥэ уонна үлэнэн. Сорохтор хантан сыстыбыттара биллибэт.

Айсен Николаев коронавируһу утары охсуһууга кэлэр икки нэдиэлэтээҕи соруктары туруорда. Бастатан туран, Маай бырааһынньыктарыгар дьаҥы тарҕатыыны тохтотуу.

«Нэһилиэнньэ дьиэтигэр олорорун ситиһиэхтээхпит, айылҕаҕа тахсалларын бохсуохтаахпыт. Дьон түмсүүтэ суох буолуохтаах. Онон бу маны быһаарыыга суһал миэрэлэри ылыныҥ. Ордук куораттарга, бастатан туран, Дьокуускайга», — өрөспүүбүлүкэ баһылыга эттэ.

Ил Дархан сырдатар-иһитиннэрэр үлэни күүскэ ыытары модьуйда. Нэһилиэнньэ айылҕаҕа тахсыы бобуулааҕын чуолкай билиэхтээх.

Айсен Николаев бэлиэтээбитинэн, дьонтон, баһылыктартан сааскы булду көҥүллүүр туһунан этиилэри тутар. Кини этии өйүөн баҕарарын биллэрдэ, ити эрээри өскөтүн өрөспүүбүлүкэҕэ сыстыганнаах дьаҥҥа сутуллуу элбии турар буоллаҕына, сааскы бултка көҥүл тута тохтотуллар. Онон баһылыктар бу чааһыгар элбэх иһитиннэрэр үлэни ыыталлара ирдэнэр.

Саха сирин баһылыга мунньахха эбии обсерватордары арыйар туһунан эттэ. Вице-премьер Ольга Балабкинаҕа туһаайан, бу боппуруоһу баһылыктары кытта бу күннэргэ толороллоругар сорудахтаата.

Следите за самым важным и интересным в Telegram-канале и WhatsApp-группе ЯСИА