24 От ыйа 24.07
  • 15°
  • $ 87,3
  • 95,46

Ленскэй мадьынылара күүстэрин холоһоллор

18:03, 04 февраля 2016
Текст:
Читайте нас на
Яндекс Новости
ЯДВ

Уолаттар алта ыйааһыҥҥа күүстэрин тургутустулар . Нуотараттан тренер Валерьян Ощепков иитиллээччилэрэ Алексей Санников (40 кг), Артур Тимофеев (50 кг) күүстээх утарсыыны көрсүбэккэ бастакы миэстэлэри ыллылар. Атын ыйааһыннарга Орто Наахараттан Влад Антонов 60 кг, Толоонтон Дьулустан Басыгысов (70 кг), Чамчаттан Николай Моякунов (80 кг) уонна Ленскэйтэн Максим Ряпусов (80 кг) кыайыылаахтарынан буоллулар.

Эр дьон түөрт ыйааһыҥҥа күөн көрүстүлэр. Манна Нуотараттан Роман Ощепков (70 кг), Чамчаттан Николай Моякунов (80 кг), Ленскэйтэн Николай Тимошин (90 кг) бастакы миэстэлэри ыллылар. Кыайыылаахтар кэккэлэрин 105 кг үөһэ ыйааһыҥҥа соҕотох кыттааччынан буолбут Аркадий Легантьев хаҥатта.

Муҥутуур кыайыылааҕы быһаарар киирсиигэ уолаттарга Дьулустан Басыгысов (71,2 кг) уонна Николай Моякунов күөн көрүстүлэр. Бастакы түһүмэххэ Моякунов кыайыыны бэйэтин туһатыгар сурунар, ол эрээри иккис, үһүс түһүмэхтэргэ утуу-субуу маһын былдьатан кэбиһэр.

Эр дьоҥҥо кыайыылааҕы быһаарар киирсиигэ икки ыарахан ыйааһыннаах мадьыны — Николай Тимошин (89,4 кг) уонна  Аркадий Легантьев (свыше 105 кг)  – күрэс былдьастылар. Манна Николай утарылаһааччытыттан маһын утуу-субуу  мүччү ыһыгыннартаата.

Миэстэлэспиттэр грамоталарынан уонна мэтээллэринэн, муҥутуур кыайыылаах аатын ылбыттар – спорт комитетын кубоктарынан биһирэннилэр.

Следите за самым важным и интересным в Telegram-канале и WhatsApp-группе ЯСИА