Сааскы халаан уута түһэн, Өлүөнэ муостатын тутааччылар өрүс сүнньүгэр үлэлииллэригэр кыаҕы биэрдэ. Бу туһунан «ВИС» бөлөх иһитиннэрэр. Билигин исписэлиистэр коффердамы туруорар сиргэ дириҥэтэр үлэлэри ыыталлар. Коффердамы урут хаҥас кытылтан соһон аҕалан, уҥа кытылга швартовай дьаакырдарынан туттарбыттара.
Бу соруктары толорорго «Якутск» суудуна хампаанньата биэрбит тиэхиньикэтин флотун туһаналлар. Муоста тутуутугар барыта 15-кэ тиийэ араас кылаастаах суудуналар туһаныллыахтара.
«Арктика зонатын айылҕатын уратылара Өлүөнэ муостатын тутуутугар ураты технологическай быһаарыылары уонна үрдүк таһымнаах исписэлиистэри тардыыны эрэйэллэр. Холобур, бастакы коффердамы өрүс сүнньүгэр таһаарар дьаһалга 120 киһи кыттыбыта. Арассыыйаҕа муоста тутуутугар маннык уопут суоҕа. Ураты технологическай дьайыыны оҥорууга «ВИС» бөлөх исписэлиистэрин таһынан, МОРБАЗА-Маринерус Холдинг уонна «Якутск» суудуна хампаанньатын — өр сылларга үлэлээбит флот профессионалларын — үлэһиттэрэ кыттыбыттара», — диэн иһитиннэриигэ этиллэр.
Өлүөнэ муостатын, Ил Дархан Айсен Николаев ПМЭФ-2026 кэмигэр иһитиннэрбитинэн, 2029 сылга арыйар былааннаахтар.
