24 От ыйа 24.07
  • 16°
  • $ 87,3
  • 95,46

Өлөөн ыччата: Мин кэнэҕэски табаһыппын

16:30, 29 марта 2016
Текст:
Читайте нас на
Яндекс Новости
ЯДВ

Өлөөн эбэҥки оройуонугар оҕону эбии үөрэхтээһин киинэ оҕо талаанын арыйыыга үлэлэһэр. Быйыл саҥаны киллэрэр сыаллаах оройуоҥҥа аан бастакынан «Мин – кэнэҕэски табаһыппын» диэн күрэх ыытта.


Урукку сылларга табаһыттар күннэригэр оҕолор үлэлэринэн уус-уран оҥоһуктарга, уруһуйга, хаартысканан быыстапкалары үрдүк таһымнаахтык тэрийэн ыыталлара. Быйыл табаһыт сүлүөтүгэр сөп түбэһиннэрэн, «Мин – кэнэҕэски табаһыппын» диэн оҕолорго спортивнай күрэхтэһиини тэрийдэ.

Ыстаада оҕолоро 11 уол: Юра Николаев, Валентин Степанов, бырааттыы Зиновий, Егор Лгановтар, Никон Христофоров Харыйалаахтан, Анатолий Павлов, Дьулуур Романов Дьэлиҥдэттэн, бырааттыы Саша, Алеша Сергеев, Матвей Топоров, Эрхаан Степанов Өлөөнтөн кытыннылар. Саамай кыра саастаах Матвей Топоров буолар.

Оҕолор аал уоту сатабыллаахтык отуннулар, маамыкта быраҕан кыыраттылар, ньоориилаах тайаҕы ким төһө уһуннук түһэрбэккэ тутарыгар күрэхтэстилэр.

Романов Дьулуур:
Мин эбэбин Лена Ивановнаны кытта сайын каникулбар ыстаадаҕа сылдьабын. Табаларга сылдьар үчүгэй, элбэхпит, улахан дьону кытта таба хаайабын, эбэбэр көмөлөһөбүн, уу баһабын, мас кыстыыбын. Күрэхтэһиигэ эбэбин кытта кэлбиппит.

Лганов Зиновий:
Үчүгэй күрэхтэһии ыытылынна, эһиил эмиэ кыттыам. Улааттахпына табаһыт буолуом, эһэм Прокопий Павлович курдук , кини мииннэрдэрэ аллаахтар, истигэннэр. 

Христофоров Никон:
Мин талааммар ыллаатым, учууталым Елена Степановна үөрэппитэ. Ийэбин кытта көс оскуолаҕа үөрэнэ барсыбытым, табалар наһаа үчүгэйдэр, кыраһыабайдар, маҕан, хара түүлээх табалар бааллар. 

Сергеев Саша:
12 саастаахпар таба иитэр ыстаадаҕа аан бастаан барбытым, туундара диэни саҥа көрбүтүм наһаа үчүгэй. Күрэхтэһиигэ бырааппынаан Алешалыын кытта сылдьабыт, таҥаспытын ийэбит Ия Яковлевна тигэр, бэйэтэ иистэнэр. Бииргэ төрөөбүт алтабыт, ыал улахан оҕотобун. Идэбин тала сылдьабын.  

Күрэхтэһии түмүгүнэн Өлөөн орто оскуолатын 9 кылааһын үөрэнээччитэ Саша Сергеев бастакы миэстэҕэ тахсан планшетынан бириэмийэлэннэ. Онтон атын кыттааччылар тэрийэр хамыыһыйа бэлэхтэрин — телефоннары — тутаннар үөрүү-көтүү өрөгөйүн биллилэр.

Следите за самым важным и интересным в Telegram-канале и WhatsApp-группе ЯСИА