24 Ыам ыйа 24.05
  • -7°
  • $ 104,68
  • 115,6

Кыылга эппиэтинэстээх сыһыан туһунан сокуоҥҥа көннөрүүлэри киллэриэхтэрэ

Дуума Сэбиэтэ дьоҥҥо саба түһэр бэйдиэ ыттар кыһалҕаларын быһаарыыга сокуоҥҥа көннөрүүлэри бэлэмнииргэ сорудахтаата. Ол туһунан Госдуума спикерэ Вячеслав Володин телеграм-ханаалыгар суруйда. Оробуочай бөлөҕү Владимир Бурматов салайыаҕа.

Олунньуга «Об ответственном обращении с животными» федеральнайдааҕы сокуон туолуутун анаалыстыырга быһаарыы ылылынна, миэстэлэринэн ханнык кэһиилэр тахсалларын үөрэтэн көрүөхтэрэ.

Бүтэһик ыйга бэйдиэ ыттартан икки киһи олохтон туораата: ХИФУ преподавателэ Сардана Слепцова Саха сиригэр уонна 7 саастаах Маргарита Канорская Забайкальскай кыраайга.

Володин бэлиэтииринэн, регионнарга салайааччылар эппиэтинэстэрин үрдэтии туһунан этиллэр. Маны сэргэ приюттары тутууга гражданнар көҕүлээһиннэригэр эбии миэрэлэри көрүү суруллар.

Оробуочай бөлөҕү, этиилэри оҥорууга, баар сокуон ааптара уонна идеятын тэнитээччи Владимир Бурматов салайыаҕа. Кини  экология, айылҕа кыаҕын уонна тулалыыр эйгэни харыстааһын кэмитиэтин бэрэссэдээтэлин бастакы солбуйаачыта.

Сиһилии https://ysia.ru/v-zakon-ob-otvetstvennom-obrashhenii-s-zhivotnymi-vnesut-izmeneniya/

Следите за самым важным и интересным в Telegram-канале и WhatsApp-группе ЯСИА
0
0