Сэтинньи 7 күнүгэр Дьокуускай куорат баһылыга Евгений Григорьев уопсай мунньахха бэйдиэ сылдьар ыттары тутуу режимин күүһүрдэргэ сорудахтаата. Онуоха ГО уонна ЫБМ управлениетын быыһыыр сулууспатын үлэһиттэрэ кыттыахтара. Киин куоракка нэдиэлэҕэ барыта 21 бэйдиэ сылдьар ыт тутулунна, диэн мэрия телеграм-ханаалыгар суруйар.
«Уулуссаҕа сылдьар бэйдиэ ыттар аҥаардар бу моойторуктаах, көрүүтэ суох сылдьар хаһаайыттардаах ыттар. Биһиги бу ыттар хаһаайыттарын булан ыстырааптыы иликпитинэ туох да өтөрүнэн уларыйыа суоҕа. Маннык ньыма бэйдиэ сылдьар сылгылары кытта көмөлөстө, көрүүтэ суох сылдтар сылгылыр биллэ аҕыйаатылар.Бу хайысхаҕа управалары кытары тустаах үлэ наада», — диэн эбэн эттэ Григорьев.
Ыттары тутууга, куорат бары уокуруктарыгар үс бэдэрээтчит үлэлиир диэн бэлиэтииллэр. Ону таһынан, дьиэ ыттарын көрүүтэ суох хаалларбаттарын туһугар профилактика рейдэлэрэ ыытыллаллар. Онуоха эппиэтинэһэ суох хаһаайыттары административнай миэрэҕэ тарда иликтэр.
