Бу сыл ахсынньытыгар Таатта улууһун Кыйы нэһилиэгэр 90 миэстэлээх саҥа таас оскуола тутуллан үлэҕэ киириэ.
Тутууну «Монтажник» ПК ыытар. Икки этээстээх дьиэ уопсайа 2757 кв м иэннээх. Бастакы этээскэ алын кылаас үөрэнээччилэрэ, мастарыскыай, лаборатория, быраас хоһо, остолобуой, иккискэ – үрдүкү кылаастар, спортивнай, актовай саалалар, оскуола дьаһалтата олохсуйуохтара. Оскуола таһыгар сүүрэр сир, спортивнай, турниковай комплекстар оҥоһуллуохтара.
Үлэ кыраапык быһыытынан барар. Билигин эргэ оскуола көтүллэн, саҥа оскуола холлоҕоһо бүтэн, тас бараанын бүрүйүү, ис үлэтэ бара турар.
Оскуола «Үөрэхтээһин» национальнай бырайыак көмөтүнэн тутуллар. Былырыын Мэҥэ Хаҥалас Балыктааҕын итиэннэ Дьокуускай куорат 31№-дээх оскуолалара тутуллубуттара. Быйыл Нам улууһун Кириэс Кытыл нэһилиэгэр, Уус Алдан Оҕуруоттааҕар уонна Хаҥалас Өктөмүгэр оскуола дьиэлэрэ тутуллан, үлэҕэ киирэллэрэ былааннанар.
