1 Алтынньы 01.10
  • -1°
  • $ 55,3
  • 52,74

Кус сезона атырдьах ыйын 20 күнүттэн саҕаланар

Саха сиригэр атырдьах ыйын 20 күнүттэн кус, хаас, улар, куртуйах, бочугурас, үрүҥ уонна туундара куруппааскы, гаршнепуга уонна дупельга маассабай бултааһын сезона саҕаланыаҕа. Ол туһунан өрөспүүбүлүкэ экологиятын министиэристибэтигэр кэпсээтилэр.

Атырдьах ыйын 13 күнүттэн булчуттар куска-хааска ретривер, легавый уонна спаниель боруода ыттардаах сылдьыахтарын син. Оттон атырдьах ыйын 15 күнүттэн ыты кытта буор, хонуу уонна бадараан көтөрдөрүгэр бултуур көҥүллэниэҕэ. Атырдьах ыйын 1 күнүттэн хаар бараҥҥа, бороҥ эһэҕэ уонна бөрөҕө бултааһын көҥүллэммитэ, кэккэ хотугу оройуоннарга – дьиикэй хотугу табаны бултуохха сөп.

«Бобуу-хаайыы туһунан этэр буоллахха, кыыл-сүөл тыаһын таһаарар электроннай тэриллиилэри туһанар бобуллар. Ону тэҥэ, сырдатар тэриллэри, тепловизордары, түүнүн көрдөрөр прибордары туттуллар эмиэ көҥүллэммэт, арай 2 миэтэрэ үрдүктээх стационарнай вышкалары туһаныахха син. Дронунан туһанар эмиэ бобуллар. Аны туран,  мотуордаах оҥочоттон, массыынаттан, бөртөлүөттэн бултуур сатаммат», — диэн министиэристибэ булт хаһаайыстыбатын департаменын салайааччытын солбуйааччы Анатолий Попов бэлиэтээтэ.

Следите за самым важным и интересным в Telegram-канале и WhatsApp-группе ЯСИА
0
0
Тутаах тыллар