24 Тохсунньу 24.01
  • -48°
  • $ 73,82
  • 83,32

Коммерческайа суох тэрилтэлэргэ грант быһыытынан бэриллэр үбү-харчыны кытаанахтык хонтуруоллуохтара

17:04, 30 августа 2016

Көрдөрөр-иһитиннэрэр тиһиктэр үлэһиттэрэ уонна актыбыыстар чунуобунньуктары кытта тэҥҥэ коммерческайа суох тэрилтэлэр ортолоругар ыытыллар грант куонкуруһун хонтуруоллуохтара. Ити туһунан СИА-ҕа гражданскай уопсастыбаны сайыннарыы миниистирин бастакы солбуйааччы Савва Михайлов эттэ.


«Саха сирэ Уһук Илиҥҥэ федеральнай киинтэн граннары ылыыга инники кирбиигэ турар. Министиэристибэ муниципальнай тэриллиилэри тупсарыыга анаан 10 мөл.солк. номнуо ыытта уонна бу сотору баҕа өттүнэн тэриллэр норуот дружиналарын өйүүргэ куонкуруһу биллэриэҕэ. Бэҕэһээҥҥиттэн ыла коммерческайа суох тэрилтэлэргэ анаммыт социальнай куонкурус саҕаланна. Маныаха грант быһыытынан 24 мөл.солк. көрүлүннэ. Куонкуруһу ыытыыга, киирбит бырайыактарга ураты улахан болҕомтону ууруохпут », — диир Савва Михайлов.

Региоҥҥа уопсастыба бэрэстэбиитэллэрин көҕүлээһиннэринэн түөрт ресурснай киин үлэлиир. Миниистири бастакы солбуйааччы этэринэн, бу кииннэр үлэлэрэ практикаҕа, быраапка уонна методикаҕа улахан көмө буолалларын бэлиэтиир.

«Улуустарга баар коммерческайа суох тэрилтэлэргэ быйыл улахан болҕомто ууруллар. Тупсарыы сылыгар өрөспүүбүлүкэ уопсастыба бэрэстэбиитэллэриттэн улахан көдьүүһү ылла. Грант бырайыактара олоххо киириилэрин хонтуруоллуурга суруналыыстар, уопсастыбанньыктар көмөлөһөллөрүгэр ыҥырабыт», — диир кини.

Михайлов этэринэн, уопсастыбаннай сэбиэт уонна коллегия тэриллиэхтэрэ. Итилэр грант куонкуруһугар киирэр бырайыактары сыаналыахтара.

0
0
24 января 24.01
  • -48°
  • $ 73,82
  • 83,32