18 От ыйа 18.07
  • 17°
  • $ 88,09
  • 96,3

Өймөкөөн улууһун киинигэр Уус-Ньараҕа барыллаан быыбардааһыҥҥа үс учаастак үлэлиир

17:44, 22 мая 2016
Текст:
Читайте нас на
Яндекс Новости
ЯДВ

Өймөкөөҥҥө «Биир ньыгыл Россия» партия ыытар барыллаан куоластааһыныгар Госдумаҕа уонна муниципальнай таһымҥа кандидаттары талаллар.


Уус-Ньараҕа күнүс 3 чаас туругунан бөһүөлэк киинигэр турар орто оскуолаҕа баар учаастакка 196 киһи быыбардаата. Хамыыһыйа чилиэннэриттэн уонна волонтердартан ураты биир даҕаны кэтээн көрөөччү учаастакка суох, полиция үлэһитэ бэрээдэги көрөр. Хамыыһыйа бэрэссэдээтэлэ Людмила Кротова бэлиэтээбитинэн, барыллаан куоластааһыҥҥа дьон көхтөөхтүк кыттар.

“Металлург” култуура дьиэтигэр эбиэт кэннэ 100-чэкэ киһи кэллэ. Учаастак аана аһыллаатын кытта, бастакынан Светлана Юрьевна Березкина кэлэн бэйэтин куолаһын биэрэн барда. Бу учаастакка Өймөкөөн, Томтор, Төрүт нэһилиэктэриттэн, Куйдуһунтан, Хара-Тумултан уонна Аартык бөһүөлэгиттэн барыта 18 киһи бэйэтин быраабынан туһанна.

“Пегас” оҕо киинигэр баар учаастак хамыыһыйатын бэрэссэдээтэлэ Мария Зырянова иһитиннэрбитинэн, кинилэр учаастактарыгар 127 киһи куоластаата.

Баһаарный сулууспа үлэһитэ, 26 саастаах Александр Навьяво Өймөкөөн улууһугар Магадантан кэлэн кэргэнин дойдутугар олохуйбута алтыс сыла. Кини эдэр киһи диэтэххэ, олус эпиэтинэстээҕин көрдөрдө. Кэргэнинээн быыбарга өрүү кытталлар, дойдулара сайдыылаах, туруктаах буоларыгар дууһаларынан ыалдьаллар.

Улууска бу күн олохтоох салайыныы уорганнарын быыбарыгар барыллаан куоластааһын икки нэһилиэккэ ыытыллар: Томторго уонна Сордоҥнооххо.
Томтордооҕу быыбардыыр учаастак бэрэссэдээтэлэ Любовь Скрыбыкина иһитиннэрбитинэн, Томторго күнүс 3 чаас кэнниттэн 273 киһи куоластаабыт. Манна баһылык дуоһунаһыгар үс хандьыдаат баар – дьаһалта үлэһитэ Евгений Кривошапкин, предприниматель Никифор Протопопов уонна суоппар Алексей Клюшкин. Дьокутаакка 20 киһи турбут. Оттон Сордоҥнооххо баһылык дуоһунаһыгар хандьыдаакка билигин дьаһалта баһылыга Иван Максимов уонна Станислав Григорьев турбуттар, 11 киһи дьокутаакка киирсэр. Бу нэһилиэктэргэ дьон быыбарга өрүү көхтөөх кыттыыны ылара бэлиэтэнэр.

Следите за самым важным и интересным в Telegram-канале и WhatsApp-группе ЯСИА