24 Ыам ыйа 24.05
  • -7°
  • $ 104,68
  • 115,6

Өймөкөөн айанньыттара Бурятияҕа тиийбиттэр

11:03, 02 ноября 2021
Текст:

Дугуйдан Винокуров уонна Мичил Неустроев алтынньы 26 күнүгэр Бурятия республикатыгар тиийбиттэр.

Таксимо диэн Бурятия маҥнайгы дэриэбинэтигэр айанньыттар хас да хонуохтара, күүс-сэниэ эбиниэхтэрэ уонна сылгыларыгар от атыылаһан баран, салгыы айан суолугар турунуохтара. Уолаттар Улан-Удэҕа сэтинньи бүтүүтэ тиийэр былааннаахтар. Кинилэр этэллэринэн, сир аайы олохтоохтор үөрэ-көтө көрсөллөр, бэйэлэрин култуураларын, үгэстэрин үллэстэллэр, минньигэстик аһаталлар уонна хонуктарын хааччыйаллар.

Саха сылгытынан уһун айаҥҥа уолаттар бу сыл кулун тутарыгар туруммуттара. Айанньыттары биир дойдулаахтара – Өймөкөөттөр уонна Уус-Алдан делегацията, маастардар, култуура үлэһиттэрэ, улуус баһылыга Алексей Федотов буолан атаарбыттара. Дугуйдан уонна Мичил атынан күҥҥэ ортотунан, 40-50 км. бараллар. Уолаттар 4 атынан ойуталлар, биирдэригэр бэйэлэрэ, иккис аттарыгар маллара. Саха АССР 100 сылыгар аналлаах айаннарын Москва куоратыгар түмүктүөхтээхтэр. Аара суолларыгар, дьону бэйэлэрин култуураларын, историяларын кытары билиһиннэрэллэр, саха атын  көрдөрөллөр, төрөөбүт Өймөкөөннөрүн туһунан кэпсииллэр, хомуска оонньууллар.

Уус-Алдан пресс-сулууспата

Следите за самым важным и интересным в Telegram-канале и WhatsApp-группе ЯСИА
3
0