Дьокуускайга өрөспүүбүлүкэ баһылыгын иһинэн үлэлиир инновационнай менеджмент Үрдүкү оскуола баазатыгар III куонкурус түмүктэннэ. Тэрээһин сыала-соруга СВО кыттыылаахтарыгар таҥас тигии, Аҕа дойдуну көмүскээччилэр күннэригэр ананар.
Куонкурус тэрийээччилэринэн «Илии сылааһа» өрөспүүбүлүкэ дьахталларын — ийэлэрин баҕа өттүнэн иистэнэр сыахтарын кыттыылаахтара буолаллар. Хамсааһын салайааччыта Ирина Саввина эппитинэн, 13 улуустан 37 хамаанда бэйэлэрин үлэлэрин көрдөрдүлэр.
Кыайыылааҕынан «Эркээни Иис» хамаанда Хаҥалас улууһун Покроскай куораттан буолла. Иккис — «Сыдьаайа» Нам улууһун Хатыҥ-Арыыта, үһүс — Мэҥэ Хаҥалас Төҥүлүтүттэн «Хотун Төҥүлү» хамаанда.
