15 От ыйа 15.07
  • 22°
  • $ 87,74
  • 95,76

«Ийэ Албан аата» бэлиэлээхтэргэ биир кэмнээх төлөбүр кээмэйэ Саха сиригэр эбилиннэ

18:02, 27 января 2021
Текст:
Читайте нас на
Яндекс Новости
ЯДВ

«Ийэ Албан аата» бэлиэнэн наҕараадаламмыт элбэх оҕолоох ийэлэргэ көрүллэр биир кэмнээх төлөбүр кээмэйэ Саха сиригэр 2021 сыл тохсунньу 1 күнүттэн эбилиннэ. Регионнааҕы үлэ миниистирэ Елена Волкова этиитин СИА-ҕа тустаах пресс-сулууспа тириэртэ. 


«Маннык быһаарыыны Ил Дархан Айсен Николаев ылла. Оҕону иитиигэ, дьиэ кэргэн институтун бөҕөргөтүүгэ, элбэх оҕолонууну өйөөһүҥҥэ, демографияны тупсарыыга кылааттарын иһин махталын биллэрдэ.

7 оҕолоох, «Ийэ Албан аата» бэлиэ III степеннээх ийэҕэ төлөбүр билигин 100 тыһ солк буолла. 8 оҕолоох, Бэлиэ II степеннээҕэр — 200 тыһ солк уонна 9 оҕолоох, I степеннээх дьоруой ийэҕэ —  300 тыһ солк», — диэтэ миниистир.

Өрөспүүбүлүкэҕэ 30 тыһыынча кэриҥэ элбэх оҕолоох ийэ олорор.

Следите за самым важным и интересным в Telegram-канале и WhatsApp-группе ЯСИА