Бэс ыйын 12 күнүгэр Уус-Алдан улууһун Кэптэнитигэр виртуоз-хомусчут Петр Оготоев төрөөбүтэ 55 сылыгар анаммыт өрөспүүбүлүкэтээҕи Хомус ыһыаҕа үрдүк тэрээһиннээхтик ааста.
Онно Дүпсүнтэн «Кэскил» оҕолор ансаамбыллара муҥутуур кыайыылаах буолан, үүнэр көлүөнэ фондатыттан 10 тыһ. солк. суумалаах сертификатынан, Лөгөй нэһилиэгин ыччатын 4400 солк бириэмийэтинэн наҕараадаланна, улахан дьон «Ситим» ансаамбыла лауреат аатын ылла, кинилэргэ эмиэ бу фондаттан 10000 солк. суумалаах сертификаты туттардылар.
Ырыаны толоруу күрэҕэр музыкальнай колледж студентката Бурцева Снежана лауреат үрдүк аатын ылла, сыаналаах бэлэҕинэн наҕараадаланна.
«Хомус уолан» күрэххэ 5 кыттааччыттан Алдан Рожин Гран-при хаһаайына буолла, киниэхэ Оготоевтар аймах 50 тыһ.солк. харчынан биэриэмийэни туттардылар.
Саамай эдэр кыттааччы, «Кэскиллээх кыттааччы» анал ааты ылла, бэлэх быһыытынан хомуһу уонна 3000 солк. суумалаах сертификаты ылла.
