Барыта уон аҕыс муниципальнай тэриллиигэ буолбут отчуокка 1053 киһи сырытта. Мунньахтарга икки сүүстэн тахса боппуруос киирдэ, сүрүннээн нэһилиэктэр тас көстүүлэрин тупсарыыга сыһыаннаах.
Уулаах Аан олохтоохторо саҥа оскуола, амбулатория дьиэлэрин туттарыыны сэргэ нэһилиэккэ тыа хаһаайыстыбатын сайыннарыы боппуруостарын туруорустулар.
Ой сэлиэнньэтигэр үүт харчытын ыла иликтэрин эттилэр. Покровскайга гааһы киллэрии, уулуссалары асфаллааһын боппуруостарын көтөхтүлэр.
Олунньу ыйтан Саха Өрөспүүбүлүкэтин Бырабыыталыстыбатын отчуота саҕаланыаҕа. Саха сирин салалтатын быһаарыытынан, быйылгыттан отчуоттар түөлбэлэринэн ыытыллыахтара. Олорго нэһилиэктэр бэрэстэбиитэллэрэ кыттыыны ылыахтара. Хаҥалас улууһугар отчуоттар олунньу 20-тэн саҕаланыахтара.
