18 Ыам ыйа 18.05
  • -7°
  • $ 104,68
  • 115,6

Горнайдар сайыҥҥы баһаары утары охсуспут суол үлэһиттэригэр махтаннылар

19:01, 17 ноября 2021
Текст:

Горнайга быйыл сайын буолбут баһаардары утары охсуспут суол үлэһиттэрин СӨ Тырааныспар министиэристибэтэ уонна СӨ «Управтодор» аатыттан тырааныспар миниистирэ Владимир Сивцев, улуус баһылыга Никита Андреев наҕараадалаатылар. 

«Суол тэрилтэлэрэ биир бастакыннан уот утары охсуспуттара. Кинилэргэ бүгүн махталбын тиэрдэхпин баҕарабын» — диэн Владимир Сивцев Горнайга кэлэ сылдьан эттэ. Маны тэҥэ миниистир ООО «Амгор» ГКУ «Управтодор РС (Я)» тэрилтэлэр көмө оҥорбуттарын үрдүктүк сыаналаата.

«Промышленность, олох-дьаһах уонна суол министиэристибэлэрин үлэһиттэрэ бастакынан көмөҕө кэлбиттэрин бэлиэтиэхпин баҕарабын. Суол тэрилтэлэригэр, дьонугар көмөҕүт иһин махтал!» — диэн улуус баһылыга Никита Андреев этэн туран махтал суруктары туттарда.

Быйыл буолбут баһаарга Горнай территориятыгар 1 мөл кэриҥэ гектар сир былдьаммыта. 15 өрөспүүбүлүкэ тэрилтэтэ баһаары умуруорууга үлэлэстэ, суруйда https://www.instagram.com/gorny_admin/

Минииистир Владимир Сивцев тырааныспар министиэристибэтин уонна суол хаһаайыстыбатын, СӨ «Управтодор» аатыттан наҕараадатыгар тигистилэр:
— Сидоров Николай Николаевич, “Амгор” суоппара
— Дьяконов Захар Николаевич, “Амгор” суоппара
— Бельды Николай Жоржович, “Амгор” генеральнай дириэктэрэ
— Федоров Александр Артемович, “Амгор” суоппара
— Рожина Сардаана Антоновна, “Амгор” ПТО начальнига
— Текеянов Владимир Николаевич, “Дирекция единого заказчика” тэрилтэ инженер- сметчига
— Васильев Валерий Игнатьевич, “Амгор” экскаваторщига
— Павлов Владимир Зиновьевич, «Амгор» суолун үлэһитэ.

Следите за самым важным и интересным в Telegram-канале и WhatsApp-группе ЯСИА
0
0