24 От ыйа 24.07
  • 21°
  • $ 87,3
  • 95,46

Евгений Григорьев: «Бэрэсидьиэн өйөбүлүнэн Саха сирэ сайдыы суолугар үктэннэ»

Хаартыска: Саха сирэ саайт
Читайте нас на
Яндекс Новости
ЯДВ

Дьокуускай куорат баһылыга Евгений Григорьев этэринэн, дойду Бэрэсидьиэнэ өрөспүүбүлүкэ киин куоратыгар уонна бүттүүн Саха сиригэр болҕомтотун ууруута дьон олоҕун биллэрдик үчүгэй өттүгэр уларытта.

«Дьокуускайга олорор хас биирдии киһи биһиги куораппыт хайдахтаах курдук тупсубутун, кыраһыабай буолбутун бэлиэтии көрөр буолла. Биһиги олорорго табыгастаах, тупсаҕай оҥоһуулаах саҥа дьиэлэри тутабыт,  дьону хаарбах дьиэлэртэн көһөртүүбүт. Өрөспүүбүлүкэ киин куоратын уулуссалара уларыйдылар, Дьокуускайга саҥа сынньалаҥ сирдэр, бэртээхэй пааркалар баар буоллулар», – диэн Дьокуускай куорат баһылыга бэлиэтээтэ.

Евгений Григорьев этэринэн, өрөспүүбүлүкэ киин куоратыгар буолар сүҥкэн уларыйыылар Арассыыйа Бэрэсидьиэнэ Владимир Путины кытта быһаччы сибээстээхтэр:

«Кини өйөбүлүнэн Дьокуускай куорат сайдыы саҥа көҕүлүүр күүһүн ылла. Дойду лиидэрэ киин куоракка уонна Саха сиригэр ураты болҕомтотун ууруута Дьокуускай олохтоохторун олохторун уларытта», — диэн мээр кэпсээтэ.

Следите за самым важным и интересным в Telegram-канале и WhatsApp-группе ЯСИА