Кэнники бириэмэҕэ социальнай ситимнэргэ болдьох иннинэ дьиикэй кыыллары бултааһын туһунан хаартыскалар, видеолар тарҕаналлара элбээтэ. Дьон быраабыланы тутуспат буолла диэн өйдөбүл баар буолла. Бу туһунан СИА-ҕа экология министиэристибэтин булт хаһаайыстыбатыгар департаменын исписэлииһэ Владимир Решетников кэпсээтэ.
Владимир Решетников эппитинэн, бултааһыҥҥа сокуону кэһии ыстырааптардаах уонна нахаастабыл ирдэбиллэрдээх. Маны булчуттар билиэхтээхтэр.
Исписэлиис эппитинэн, дьону ордук туйахтаах кыыллары көҥүлэ суох бултааһын иһин ыстыраап интэриэһиргэтэр.
Бүгүҥҥү күн көҥүлэ суох бултааһыҥҥа ыстарааптара, холобур, уопсай көҥүллэнэр бултуур сирдэргэ туртас атыыра — 120 тыһ солк, тыһыта – 200 тыһ солк. Оттон өскөтүн оһуобай харыстанар сиргэ бултаатахтарына, тыһытыттан атыырыттан тутулуга суох — 280 тыһ солк. Атыыр тайахха 240 тыһ солк, тыһыга — 400 тыһ солк. Оһуобай харыстанар сиргэ бултааһын — 560 тыһ солк.
Быраабыланы сиһилии манна аах https://ysia.ru/kazhdyj-ohotnik-dolzhen-znat-v-minekologii-yakutii-rasskazali-o-novyh-pravilah-ohoty/
