16 От ыйа 16.07
  • 25°
  • $ 87,81
  • 95,78

Үөһээ Бүлүү олохтооҕун 15 сыл анараа өттүгэр икки киһини өлөрбүтүн иһин сууттаатылар

Читайте нас на
Яндекс Новости
ЯДВ

Үөһээ Бүлүү оройуонун олохтооҕо икки киһини өлөрбүтүн иһин кытаанах режимнээх холуонньаҕа буруйун боруостуоҕа. Ыар буруйу кини 15 сыл анараа өттүгэр – 2007 сыл муус устарыгар оҥорбут, диэн СИА кэпсиир.

Бу киһи Үөһээ Бүлүү нэһилиэгин пааркатыгар икки эр киһини кытары билсэн арыгылаабыт. Иирсээн кэмигэр бииргэ арыгылаабыт киһитин төбөтүгэр маһынан хаста даҕаны охсубут, ол түмүгэр эр киһи  олоҕу кытта сөпсөспөт эчэйиини ылан өлбүт. Бу мас паалканан иккис көрөн турбут киһитин үнтү сынньан өлөрбүт.

Эр киһи буруйу оҥорууга кыттыгастааҕын 2021 сыл ахсынньытыгар биллибит. Элбэх силиэстийэлиир уонна оперативнай үлэлэр, ол иһигэр уустук суут экспертизалара ыытылыннылар.

Суут кинини 13 сылга хаайыыга укта, болдьоҕун кытаанах режимнээх холуонньаҕа боруостуоҕа.

Буруйдаах уонна кини көмүскээччитэ суут бириигэбэрин кытта сөпсөспөккө апеляциялаабыттар, ол эрээри суут быһаарыытын уларыппатах, онон бириигэбэр сокуоннай күүһүгэр киирдэ.

Следите за самым важным и интересным в Telegram-канале и WhatsApp-группе ЯСИА