Эдьигээн сэлиэнньэтигэр сотору кэминэн этнокультурнай киин тутуута саҕаланыа, бу туһунан RosTender.info суруйар.
Киин тутуутугар өрөспүүбүлкэ бюджетыттан 26,8 мөл солк тыырылынна. «Обеспечение качественно нового уровня развития инфраструктуры культуры» («Культурная среда») федеральнайдааҕы бырайыак чэрчитинэн үлэ ыытыллар.
Бырайыак быһыытынан, кэнсиэри уонна да атын тэрээһини олорон көрөр саала, видеосаала, алгыс сиэрин-туомун ыытар туспа сирдээх буолуоҕа. Таҥас ыйыыр сир уонна буфет баар буолуохтара. Биир сценаҕа балыктар уста сылдьар муора долгунун уруһуйдуохтара.
Өрөспүүбүлүкэ бырабыыталыстыбата тендер биллэрдэ. Балаҕан ыйын 16 күнүгэр диэри сайаапкалары ылаллар. Эбийиэк 2021 сылга үлэҕэ киириэхтээх.
2002 сыллааҕы биэрэпис түмүгүнэн, Эдьигээн улууһугар эбэҥки — 2046 (47,45 % нэһилиэнньэ ахсааныттан), саха — 1445 (33,51 %) уонна нуучча — 619 (14,36 %).
