«Дыгын оонньууларыгар» түмүктүүр сүүмэрдиир турнир буолар күнэ уларыйда, муус устар 18 — 19 күннэригэр көстө. Ол эбэтэр биир нэдиэлэ хойутаан ыытыллар буолла, суруйда ЯСИА.
Турнир муус устар 11 — 12 күннэригэр буолуохтааҕа, ити эрээри тэрээһин боппуруостарынан биир нэдиэлэ хойутаан ыытыллыаҕа. Буолар миэстэтэ — «Дохсун» спорткомплекс.
Сүүмэрдиир түмүктүүр турнирга 4 путевка оонньонуоҕа.
Аҕыс кыттааччы аата биллэр — Дьулустан Ноговицын (Горнай), Артём Дьяконов (Кэбээйи), Айсен Ботуев (Үөһээ Бүлүү), Яков Дмитриев (Кэбээйи), Борис Сдвижков (Амма), Алексей Соколов (Сунтаар), Николай Обоев (Ньурба) уонна Павел Друзьянов (Чурапчы).
