14 От ыйа 14.07
  • 19°
  • $ 87,74
  • 95,76

Дьокуускайга Роман Дмитриев аатынан уулусса баар буолла

18:00, 01 марта 2018
Текст:
Читайте нас на
Яндекс Новости
ЯДВ

Сахалартан бастакы олимпийскай чөмпүйүөн Роман Михайлович Дмитриев кэриэһигэр 1998-2000 сс. төрүөх уолаттар ортолоругар көҥүл тустууга VI норуоттар икки ардыларынааҕы турнир иитинэн, кулун тутар 3-гэр, күнүс 15-00 чаастан Дьокуускайга олимпийскай чөмпүйүөн Р.М. Дмитриев аатынан набарежнай уулуссаны үөрүүлээхтик арыйыы буолуоҕа.


Былырыын Дьокуускай куорат дууматын 36-с сессиятыгар уһулуччулаах гражданнары үйэтитэр инниттэн олор ааттарын киин куорат сорох уулуссаларыгар иҥэрэр туһунан быһаарыы ылыныллыбыта. Онно олоҕуран, 202-с микро-оройуоҥҥа, Кыайыы болуоссатыттан Хатыыстаах Арыыга (оҥочо ыстаансыйата) диэри тайыыр набережнай уулуссатыгар саха улуу бөҕөһө, ХХ Олимпийскай оонньуулар чөмпүйүөннэрэ, ХХI Олимпийскай оонньуулар үрүҥ көмүс призердара, аан дойду, Европа чөмпүйүөнэ, ССРС алта төгүллээх чөмпүйүөнэ, “Бочуот Знага”, “Хотугу Сулус” уордьаннар кавалердара, Саха Өрөспүүбүлүкэтин норуодунай дьокутаата Роман Дмитриев аата иҥэрилиннэ.

Саха норуотун уһулуччулаах уолун аатын киин куорат уулуссатыгар иҥэрэр туһунан этии Роман Михайлович чугас урууларыттан, доҕотторуттан, бииргэ үлэлээбит дьонуттан, өрөспүүбүлүкэ уопсастыбаннаһыттан киирбитэ. Ону норуот дьокутааттара Ольга Балабкина, Александр Романов, Юрий Баишев, Александр Уаров, Юрий Николаев, Петр Юмшанов уо.д.а өйөөбүттэрэ.

Следите за самым важным и интересным в Telegram-канале и WhatsApp-группе ЯСИА
Тутаах тыллар