29 Кулун тутар 29.03
  • -11°
  • $ 92,26
  • 99,71

Дьокуускайга наркотигы тарҕаппыт 19 саастаах эдэр киһи алта сылга хаайыыга барда

Читайте нас на
Яндекс Новости
ЯДВ

2022 сыл кыһын Саха сирин 19 саастаах олохтооҕо Дьокуускайга наркотигы тарҕатар туһунан этиигэ сөбүлэспит уонна буруйу оҥоруунан дьарыктанар бөлөххө киирбит. Суут кинини 6 сылга хаайыыга ыытта, диэн Илин-Сибиирдээҕи тыраанспарын прокуратуратын пресс-сулууспата иһитиннэрдэ.

2022 с. муус устар ыйыгар эдэр киһи куорат араас сирдэригэр  наркотигы кистээбит. Ол кэнниттэн, Арассыыйа ИДьМ Хотугулуу-Илиҥҥи ЛУ үлэһиттэрэ кинини туппуттар.

Үрүксээгин бэрэбиэркэлээһин түмүгэр 69 араас кумааҕыга сууламмыт 113 граммтан тахса наркотическай средствоны булан ылбыттар.

Суут кинини кытаанах режимнээх холуонньаҕа 6 сылга хаайыыга ыытта. Бириигэбэр сокуоннай күүһүгэр киирдэ.

Следите за самым важным и интересным в Telegram-канале и WhatsApp-группе ЯСИА