Өлүөнэ өрүскэ кыдьымах күүскэ киирдэҕинэ уонна муус турдаҕына, Дьокуускай — Аллараа Бэстээх хайысханан дьону «Ленатранс” тэрилтэ сымнаҕас олбохтоох 20 суудуната куоракка сайын сөтүөлүүр сиртэн (пляжтан) таһыаҕа.
Бу туһунан СӨ Уу тырааныспарыгар департаменын салайааччыта Семен Коркин «Билиҥҥи туругунан, «Ленатранс” тэрилтэ сымнаҕас олбохтоох 20-чэ суудуната алтынньы 16 күнүн диэкиттэн Дьокуускай – Аллараа Бэстээх хайысханан дьону таспытынан барыахтара. Өрүс биир өттүгэр барыы тарыыба, ортотунан, 1500 солкуобай буолуоҕа», — диэн иһитиннэрдэ.
