Дьокуускайга ыам ыйын 24 күнүгэр былааннаммыт Дьокуускай уонна Аллараа Бэстээх икки ардыларыгар паромнар боруобалааһын рейстэрэ тохтоон турар. Бу туһунан Саха Өрөспүүбүлүкэтин Тырааныспарын уонна суол хаһаайыстыбатын министиэристибэтин пресс-сулууспата иһитиннэрэр.
«Паромы Якутии» ХЭУо салайааччыта Николай Ефимов иһитиннэрбитинэн, өрүс туругун кэтээн көрүү түмүктэринэн маннык кутталлаах көстүүлэр бэлиэтэммиттэр:
— уҥа биэрэк устунан муус устуута;
— муус харыыта тоҕо баран, муус маассата паромунан туоруур учаастак диэки сыҕарыйар.
Бэлиэтээн эттэххэ, паромунан туорааһын өрүс сүнньүн муустан ыраастааһын кэнниттэн эрэ сөргүтүллүөҕэ. Паромнар сүрүн туорааһыннара ыам ыйын 26 күнүгэр сабаҕаланар.
