Горнай улууһуттан аҕыс оҕолоох ийэ Мария Александрова кыттар. Киниэхэ «Материнская слава» II степеннээх уордьана бэрилиннэ. Кэргэнинээн Виктордыын алта уолу уонна икки кыыһы иитэллэр.
«Маннык үрдүк наҕарааданы ылар олус долгутуулаах. Оҕолор — бу улахан дьол, элбэх оҕолонуом дии санаабат этим. Ыалга саамай кылаабынайа – таптал, биһиги оҕолорбут санааларын, этиилэрин истэбит. Бэйэбит холобурбутугар иитэбит, өйдүүр уонна өйүүр дьон буоларга», — диэтэ Мария Александрова.
«Материнская слава» II уонна III степеннээх бэлиэнэн наҕараадаламмыттар харчынан сертификат туталлар, суумата, туһааннааҕынан, 100 уонна 200 тыһ солк.
«СВО кэмигэр дьахталлар тыылга үлэлииллэр. Гуманитарнай көмө оҥороллор, байыастарга анаан тигэллэр-баайаллар, буойуннар техника уонна снаряжение ылалларыгар харчы хомуйаллар. Биллэн турар, байыастар дьахталлар көмөлөрүн билэллэр, ол кинилэргэ күүс эбэр» — диэтэ Ил Түмэн бэрэссэдээтэлэ Алексей Еремеев.
«Элбэх дьахтар судаарыстыбаннай уонна муниципальнай салайыыга үлэлииллэр, бэлиитикэ сүрүн быһаарыыларын ылаллар, уопсастыбаннай үлэни сайыннараллар, бөдөҥ бизнес-бырайыактары тэнитэллэр, бу барыта өрөспүүбүлүкэҕэ уонна дойдуга үтүөнү түстүүр», — диэтэ бырабыыталыстыба бэрэссэдээтэлэ Кирилл Бычков.
