16 От ыйа 16.07
  • 22°
  • $ 87,81
  • 95,78

Чурапчыга Роман Дмитриев Олимпийскэй чөмпүйүөн буолбута үйэ аҥардаах үбүлүөйүн көрсө саҥа тустуу саалата арылынна

Читайте нас на
Яндекс Новости
ЯДВ

2019 сылтан саҕалаан “Үөрэхтээһин” РФ төрүт бырайыагын “Хас биирдии оҕо ситиһиитэ” бырагырааммата Дойду бары эрэгийиэннэригэр саҕаламмыта. Бырагыраамма 2024 сылга диэри олоххо киирэригэр барыта холбоон 52,6 миллиард солкуобай көрүллүбүтэ.

Хас биирдии оҕо араас хайысхаҕа дьоҕурун сайыннарарыгар сыалламмыт хамсааһын күн бүгүн Дойду 82 эрэгийиэнин хабан ыытылла турар. Кинилэр истэригэр быйыл Чурапчыбыт нэһилиэгин килбэйэр киинигэр турар Александр Федотов аатынан элбэх функциялаах ыспартыыбынай уораҕайга тустуу саалата иккис этээһинэн тутулунна.

Үөрүүлээх чааска улуус Аҕа баһылыга Степан Саргыдаев, СӨ Ил Түмэн дьокутаата Михаил Гуляев, “Юные якутяне” өрөспүүбүлүкэтээҕи ресурснай киин солбуйааччытын эбээһинэһин толорооччу Данил Жирков, СӨ ыспарсымыаннары бэлэмниир киин салайааччытын бастакы солбуйааччы Владимир Карпенко, Чурапчы улууһун үөрэххэ управлениетын начаалынньыга Юрий Посельскай, улуустааҕы оҕо ыспартыыбынай оскуолатын дириэктэрэ Дьулустан Егоров, Чурапчы оҕо ыспартыыбынай оскуолатын иитиллээччилэрэ, тириэньэрдэр, успуорт бэтэрээннэрэ, ыспартыыбынай уопсастыбаннас кыттыыны ыллылар.

Степан Анатольевич эҕэрдэ тылыгар, бүгүҥҥү күн чурапчыларга улахан бырааһынньык, суолталаах күн буоларын тоһоҕолоон бэлиэтээтэ. Бүгүҥҥү күҥҥэ 300-кэ эдэр бөҕөс тустуунан дьарыктанар эбит буоллаҕына улахан тустууктарбыт, Роман Дмитриевтэн саҕалаан кэлиҥҥи сылларга тыһыынчанан бөҕөс үүнэн тахсарыгар баҕа санаатын эттэ. Итини таһынан салалта өттүттэн тустууктар инникитин дьарыктанар усулуобуйалара тупсарыгар, матырыйаалынай баазалара хаҥыырыгар өйөбүл баар буоларын бэлиэтээтэ оттон эдэр тустууктартан ситиһиини, кыайыыны, Олимп чыпчаалларыгар тахсалларыгар алҕаата.

 Сэмэн Жендринскэй

Саҥа олох

Следите за самым важным и интересным в Telegram-канале и WhatsApp-группе ЯСИА