28 Кулун тутар 28.03
  • -11°
  • $ 92,59
  • 100,27

Бултуур сири ылыыга куонкурус биллэриллиэҕэ

Читайте нас на
Яндекс Новости
ЯДВ

Саха сиригэр кыылы-сүөлү ааҕыы күүскэ барар. Бу булка квотаны эбиигэ туһалаах. Ол туһунан экология миниистирэ Сахамин Афанасьев бырабыыталыстыба отчуотугар эттэ. Ыйытыы Алдан улууһун олохтооҕуттан киирдэ. Бултуур сир туһунан эмиэ этилиннэ.


«Туйахтаах кыылы ааҕыыны саҕалаатыбыт. Бултуур сирдэргэ уонна харыстанар айылҕа территорияларыгар маршруттанар. Түмүккэ отчуот оҥоһуллан, Россия айылҕа харыстабылын министиэристибэтигэр тиксэриллэр, дьиикэй кыылга квота лимиитин быһаарыыга», — диэтэ Сахамин Афанасьев.

Миниистир эппитинэн, ити сүрүннээн — тайах, туртас, таба, киис.

«Былырыын учуоту сөпкө ыытан, туртаска лицензия тыһыынчанан эбиллибитэ. Бу икки төгүл эбиллии буолар. Тайахха — 700 төбө. Кыһыҥҥы маршрут кыыл-сүөл төһө эбиллибитин быһаарар суолталаах», — диэтэ кини.

Сахамин Афанасьев Өлөөн уонна Анаабыр туундаратыгар учуот икки сыл устата дьиикэй табаҕа ыытылларын иһитиннэрдэ.

«Үөһэттэн авиация көмөтүнэн көтөргө учуот ыыппыппыт иккис сыла, ол иһигэр бултанар көрүҥнэргэ, онон дьиҥнээх балаһыанньа биллэр», — диэтэ миниистир.

Бэрэссэдээтэли бастакы солбуйааччы Алексей Колодезников эппитинэн, быйыл бултуур сир схемата оҥоһуллан бүтэр: «Схемата суох биһиги куонкурус ыытар бырааппыт суох. Үлэ бүттэ да, бултуур сири ылыыга баҕалаахтар куонкуруска кыттыахтарын сөп».

Следите за самым важным и интересным в Telegram-канале и WhatsApp-группе ЯСИА