16 От ыйа 16.07
  • 21°
  • $ 87,81
  • 95,78

Булт көҥүлүгэр бастакы онлайн сэрэбиэй түмүктэннэ

10:06, 03 августа 2020
Текст:
Читайте нас на
Яндекс Новости
ЯДВ

Булт көҥүлүгэр бастакы онлайн сэрэбиэй түмүктэннэ. Барыта 11 873 сайабылыанньа оонньоммутуттан 1 273 киһи көҥүл ылла. Бу туһунан СИА иһитиннэрэр.


Сэрэбиэйи айылҕа харыстабылын министиэристибэтэ тэрийэн ыытта. Барыта 11 873 сайабылыанньа оонньонно, онтон 1 273 көҥүл ылла. Түмүк биир үлэ күнүн иһинэн боротокуолланан, айылҕа харыстабылын сүрүн саайтыгар тахсыа.

Сүүйбүттэр атырдьах ыйын 3-31 күннэригэр Госуслуга порталын нөҥүө сурутан көҥүллэрин ылыахтарын сөп.

Өскөтүн ким эмэ көҥүлүн туох эмэ биричиинэнэн сатаан ылбатаҕына атырдьах ыйын 31 күнүн кэннэ хос сэрэбиэй биллэриллиэ.

Сиһилии манна аах https://ysia.ru/schastlivchikov-prosyat-prijti-za-ohotnichimi-litsenziyami-do-kontsa-avgusta-v-minekologii-soobshhili-pri-kakom-uslovii-vozmozhno-provedenie-povtornoj-zherebevki/

Санатабыт атырдьах ыйын 2 күнүгэр сарсыарда 10 ч. булт көҥүлүгэр бастакытын онлайн сэрэбиэй ыытыллыбыта. Тэрээһини айылҕа харыстабылын министиэристибэтин саайтыгар көрүөххэ сөбө.

Сэрэбиэйгэ кыттыан баҕалаахтар сайаапкаларын муус устар 1 күнүттэн бэс ыйын 30 күнүгэр диэри биэртэрэ. Барыта 13 134 сайаапка киирбитэ.

Онлайн сэрэбиэй тыыннаах уочараты суох оҥорор туһуттан толкуйдаммыта. Сэрэбиэй түмүгүн хас биирдии кыттааччыга тус сирэйин нөҥүө тиэрдиэхтэрэ.

Следите за самым важным и интересным в Telegram-канале и WhatsApp-группе ЯСИА