«Модун» спорткомплекска ахсынньы 23-24 күннэригэр мас-рестлинг Федерациятын Кубогын иһин киирсиигэ өрөспүүбүлүкэттэн аҕыс күүстээх хамаанда киириэҕэ.
Күрэхтэһии «стенка на стенку» киэбинэн ыытыллар, суруйар ЯСИА.
Кубок иһин киирсэллэр Мэҥэ Хаҥалас, Таатта, Үөһээ Бүлүү, Уус Алдан, Хаҥалас, Чурапчы, Амма, Сунтаар улуустара.
Хамаандалар икки бөлөххө арахсаллар, лидердар финалга киириэхтэрэ.
Помостка мас-рестлиҥҥэ хас да аан дойду чемпионнара тахсыахтара: Семён Ануфриев, Валерий Никаноров, Константин Жирков, Наталья Черноградская, Егор Баишев уонна да атыттар.
Хамаандаҕа тоҕус эр киһи, сэттэ дьахтар, сэттэ эдэр спортсмен, түөрт бэтэрээн киирэллэр.
Федерация Кубогын билиҥҥи хаһаайыннара — Мэҥэ Хаҥалас улууһа.
